法球迷不滿迎中國市場 砌巨型藏獨旗報復
![](/mobile/img/bt_TT.png)
![](/mobile/img/bt_share.png)
好多人認為「體育無關政治」,但事實係唔係咁呢?法國人就話你聽佢哋諗法。法甲勁旅里昂於本月28號對南特,於看台赫然出現由球迷排成、代表西藏獨立運動嘅「雪山獅子旗」。法甲賽會為迎合中國市場,將包括今戰嘅部份法甲賽事提早到當地時間中午進行,里昂球迷對呢個安排非常不滿,故砌出「藏獨」旗幟「報復」中國。
為咗推廣法甲、迎合中國嘅龐大市場,法國足總決定將某啲賽事嘅開賽時間提早,里昂對南特呢場波,就於周六被改為中午1點半開波。據當地傳媒報道,里昂Fans對新開波時間非常唔習慣,對賽會掛住搵錢,唔理本地球迷感受勁不滿,所以決定將矛頭指向中國。除咗砌出極大嘅「雪山獅子旗」外,唔少球迷仲手持相同旗幟喺場上揮舞。中國球迷於睇直播嘅時候,必定會睇到相關情況。
據法國傳媒報道,球迷組職負責人表示,今次行動係故意令中國難堪,佢哋認為當地球迷感受先係最重要,所以用呢個行動向中國示威。另外佢哋強調,若賽會冇跟進相關問題,之後將會繼續「砌旗」同舉藏獨旗幟。
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。