爆煲!泰拔高圖爾斯確診嚴重「焦慮症」

2019年10月04日 06:00
東網電視
更多新聞短片
皇家馬德里門將泰拔高圖爾斯,自加盟後一直成為球迷批評目標,周中歐聯主場迎戰布魯日,泰拔高圖爾斯上半場連失2球後,喺半場就被教練施丹換走,結果皇馬下半場力保不失兼追番2比2完場。正當球迷瘋狂炮轟呢位比利時門神,原來呢位比利時國腳正受精神問題困擾,皇馬軍醫證實泰拔高圖爾斯患上嚴重焦慮症!
馬德里媒體《Ok Diario》報道,泰拔高圖爾斯喺上場歐聯半場期間,出現作嘔、暈眩同胃痛等情況,而且情況差到要由佢爸爸車佢去急症室。報道指皇馬軍醫為泰拔高圖爾斯進行連串檢查後,證實佢患上嚴重焦慮症。
消息傳出後,西班牙各大媒體都大事報道,泰拔高圖爾斯已經連續2日未有隨大軍操練,相信會無限期休戰,直到焦慮症問題完全解決,周六(6號)晚主場對CF格蘭納達嘅聯賽,上陣機會渺茫。
致病原因係乜暫時未知,不過西班牙著名記者Zach Lowy透露,球迷嘅猛烈批評,以及奧比歷同達史特根今季嘅出色表現,都令泰拔高圖爾斯感受到極大壓力。西班牙《阿斯報》更報道,皇馬教練施丹準備同佢割席,明年1月打算收購AC米蘭門將基安盧基當拿隆馬頂替。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。