有晒部署！曼聯可至抵價炒蘇斯克查

英超曼聯戰績持續低迷，主帥蘇斯克查帥位愈見不穩，更加有傳佢下場鬥利物浦一旦輸波，就會即炒！至於點解今次「紅魔鬼」睇落冇乜耐性，管理層又冇乜出嚟澄清炒「蘇B」傳聞，真正原因可能係佢哋根本一早有晒部署，可以隨時用「至抵價」炒咗「蘇B」。

根據英國《太陽報》報道，原來曼聯自從傳奇領隊費格遜退休後，先後請過莫耶斯、尹戈爾同摩連奴，但都冇個成功，仲要次次炒魷都陪一大筆，因此今次「紅魔鬼」請「蘇B」嗰陣，已經一早做定部署，專登將個違約金調低。家陣曼聯炒蘇斯克查只係要賠700萬鎊，係當年炒摩連奴賠嘅1,960萬鎊大約3份1咋！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。