功勳主力變地底泥 巴塞大將要脅鬆人

2019年10月10日 01:26
東網電視
更多新聞短片
(互聯網)
巴塞隆拿今季陷於低潮,王牌主力美斯只剛傷愈,中場亦變動頻繁,其中克羅地亞中場拿傑迪錫出場次數大減,令呢位世界盃亞軍成員躁到極,公開表示喺巴塞唔係要行街去沙灘,會用一切辦法爭番正選,但如果始終都要做後備,就會考慮離隊。
今年31歲嘅拿傑迪錫,一直都係巴塞隆拿中場大將,曾為球隊取得4次西甲冠軍,並於15年協助球隊勇奪歐聯錦標。但本季拿傑迪錫畀領隊華維迪貶為後備,上仗西甲對西維爾,拿傑迪錫只能於70分鐘入替維達爾。
拿傑迪錫表示:「依家我唔知會發生咩事。我好想落場,唔想只係做後備,所以覺得好痛苦。我會用盡所有辦法爭正選。我仲有2年合約,而呢個世界最佳球會就係巴塞隆拿,我真係唔想離開,但我喺西班牙唔係想周圍行街、亦唔係想去享受陽光海灘。其實球會所有人都知,有其他球會對我有興趣,如果一直被投閒置散,我唯有離隊。」今夏有傳祖雲達斯同國際米蘭都都希望購入拿傑迪錫。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。