【官宣】繼續守護!施治轉行加盟冰球隊

20191010
東網電視
更多新聞短片
曾經效力車路士同阿仙奴、今夏正式掛靴嘅捷克門將施治,雖然依家已經出任車路士技術顧問,但佢落場比賽嘅決心仍然不減,周四(10號)更加宣布復出,不過唔係踢波而係玩冰球!現年37歲嘅施治,已經簽約加盟英國冰球第4級別球隊吉爾福德鳳凰(Guildford Phoenix)至季尾,而且預計周五(11號)就會作出首演。
延伸閱讀:【足球巨星轉項目 邊個撈得最掂?】
將為鳳凰擔任守門員嘅施治表示:「我高興有機會為鳳凰比賽,我想幫助呢支年輕球隊達成今季目標,盡可能贏得最多嘅賽事。經過20年職業足球之後,能夠參與細個嗰陣好鍾意嘅運動,會係美好嘅體驗。」施治5歲已經開始接受冰球訓練,佢受訪曾經講過:「冰球速度好快,對訓練龍門反應好有幫助。」施治今次係以半職業身份參賽,但強調唔會影響佢喺車路士嘅工作。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。