【東體爭議】值得嗎?阿仙奴1月借走奧斯爾

20191010
東網電視
更多新聞短片
英國傳媒報道,土耳其勁旅費倫巴治總監高莫利,已經正式同阿仙奴展開對話,希望喺明年1月借用德國中場奧斯爾,消息指「兵工廠」非常樂意咁做,而且為咗促成轉會,甚至願意負擔奧斯爾35萬鎊周薪嘅部份人工。隨住最近3場比賽連大名單都冇份入選,據知奧斯爾亦自知無路可退,好可能會答應返土耳其繼續比賽。
奧斯爾喺冇傷冇病情況下連續被踢出大軍名單,令唔少「奧粉」相當不滿,領隊艾美利早前解釋:「當我冇揀佢入大軍名單,係因為有其他更加值得入選嘅球員。」無疑,奧斯爾嘅創造力係陣中首屈一指,不過逼搶作用同效率並唔突出,優點同弱點相當分明,用唔用奧斯爾就要睇領隊點樣平衡球隊利益。
喺丹尼施巴路斯同祖爾韋洛克兩大新人強勢上位後,阿仙奴中場線踢法比較進取嘅位置,就由呢兩位新世代孭起,論表現,佢哋的確比奧斯爾更「值得」佔有大軍一席位。唔好忘記阿仙奴依家走緊年輕化,機會留畀重點栽培嘅小將亦係無可厚非,下星期就31歲嘅奧斯爾喺倫敦將無用武之地。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。