【食花生】麥露蓮捉鬼 華Dee嫂係世紀25女

2019年10月10日 12:03
東網電視
更多新聞短片
英格蘭嘅WAG's向來係傳媒花邊新聞泉源,最近就爆出一單花生指數爆晒燈嘅鬧劇,頓時成為球迷熱話!朗尼老婆麥露蓮喺社交網開火,話自己近年經常有私隱被傳媒曝光,懷疑有身邊人出賣佢,所以就設咗個局嚟「捉鬼」,最終成功搵出「25女」──占美華迪老婆Rebekah!
麥露蓮喺社交網講出佢成個布局,睇到粉絲拍爛手掌:「過去幾年,我發現有啲我信任嘅人,將我唔公開嘅IG入面私人訊息同故事賣畀《太陽報》,報紙有齊大量我同家人朋友嘅資料,經過長時間嘅考究之後,我有一啲懷疑嘅人,為咗證明事實,我決定將嫌疑人物以外所有人Block晒(我朋友應該好奇怪點解咁耐冇新Post)。過去5個月,我出咗連串虛構嘅故事,睇下會唔會喺《太陽報》見街,好似喺墨西哥為BB揀性別、電視台復出、屋企地庫水浸等等,如果真係出部見晒報!我依家終於知道邊個係25女,因為所有故事只有1個人睇到,Rebekah!」
雖然今次斷正,不過Rebekah仍然死撐話好多人都有佢IG帳戶密碼,又話自己根本唔等錢使,所以唔需要賣料畀《太陽報》,真係信不信由你啦!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。