【有片】業餘水平!迪歷特「爛銅」扮金童

2019年10月11日 13:00
東網電視
更多新聞短片
荷蘭近年強勢復興,防線除咗有世界最佳中堅華基爾雲迪積克(VVD)坐鎮,仲有超級「金童」馬菲斯迪歷特爆出,今個夏天祖雲達斯以7,500萬歐元轉會費,擊敗曼聯、巴塞隆拿等豪門將佢收購。可惜,馬菲斯迪歷特轉會後犯錯頻頻,甚至有傳聞話沙利(祖雲達斯教練)覺得佢太肥,勒令佢節食減磅,周五(11號)荷蘭對北愛爾蘭先失嗰球,正正就係馬菲斯迪歷特嘅連環蝦碌,賽後自然再受球迷炮轟。
荷蘭今場喺75分鐘先失守,當時北愛爾蘭左路傳中,馬菲斯迪歷特解圍撻晒大Q,北愛球員繼續攻勢右路傳中,馬菲斯迪歷特竟然「跳唔起」,被麥根尼斯輕易壓住頂入,重播見到馬菲斯迪歷特跳唔起之餘,仲一度舉高右手想將個波「排球式」拍走,表現完全係業餘級數。大批網民賽後狂插,話馬菲斯迪歷特係足球壇最大騙局!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。