蘇B搵鄉里救曼聯 佢連白禮頓都踢唔掂!

2019年10月11日 16:00
東網電視
更多新聞短片
(互聯網)
曼聯本季勁唔爭氣,開季2勝3和3負依家排緊12位,只係離降班區域2分,魔迷個個睇到擰晒頭。曼聯攻守都唔掂,但最大問題嚟自中場,費特洛迪古斯、尼曼查馬迪、桑馬達、連格,唔係走下坡就名大於實,英媒報道蘇斯克查將於1月買人,但目標人選喺2年前連白禮頓都踢唔掂。
23歲挪威中場馬菲斯諾文,17年加盟白禮頓,但完全冇為球會喺英超出過場;17/18年球季直接被借返挪超效力莫迪,曾於蘇斯克查麾下作戰,所以蘇帥清楚呢名年輕中場能力。19年佢被賣到俄羅斯超聯球會羅斯托夫表現極佳,成為9月最佳球員,之後更首次入選挪威國家隊。
馬菲斯諾文可以勝任中場多個位置,但最擅於踢防中,英媒指蘇帥冇諗過以呢名後生仔做重心,但因為曼聯堅唔夠人用,故有意搵佢嚟增強中場板櫈深度。據知佢身價約為1500至2000萬鎊,而熱刺同西維爾都對佢有興趣。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。