【堅認輸】曼城大將:利物浦英超最強

2019年10月11日 18:00
東網電視
更多新聞短片
(互聯網)
曼城上季成為「本土3冠王」,盡擸英超、英足盃同英聯盃冠軍,話佢哋係英超最強應冇人有異議。但本季似乎情況有變,曼城8場聯賽已經輸咗2場,相反利物浦就取得全勝,早早領先「藍月亮」8分。西班牙中場洛迪卡斯簡迪就承認,現階段英超,甚至係歐洲最強球隊係利物浦。
西班牙國腳、身價高達6300萬鎊嘅洛迪卡斯簡迪今夏轉投曼城,火速成為球隊正選,不過曼城本季稍有跌Watt,目前竟被利物浦於分數上遠遠拋離。當被問到究竟曼城球迷,認為利物浦定曼聯先係曼城最大敵人,佢咁答:「我啱啱加盟,唔知球迷實際想法。不過近2季曼城同利物浦咬得好緊,而且紅軍又係歐聯冠軍,所以每隊都想擊敗利物浦。
「佢哋係一支好好嘅球隊,於各方面都有所改善,實力好強勁。我認為利物浦係英超同歐洲最佳球隊。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。