史上最寸賽後回應　南韓門將怕凍親呀！

世界盃亞洲區外圍賽尋晚上演多場大戰，其中唔少都係出現一面倒情況，包括咗南韓對斯里蘭卡場波，「太極虎」最終以8比0大勝。南韓贏得輕鬆，球員所受壓力唔大，當中南韓門將趙賢祐做咗球場上觀眾，基本上全場冇乜掂波機會。賽後趙賢祐透露自己連涼都冇沖就離開球場：「我冇沖涼呀！有啲凍，我想返訓練基地先沖呀！我尊重斯里蘭卡，90分鐘內我一直喺後場保持狀態，我冇任何放鬆。」口裏說不，身體很誠實，既然冇出汗就梗係唔使沖涼啦，明嘅！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。