歐洲最火熱射手　幾時都係佢啦！

又到國際賽期，尋晚歐國外精彩比賽唔少，其中一個着晒火射手當然又係佢——羅拔利雲度夫斯基。羅拔仔尋晚代表波蘭出戰拉脫維亞，個人大演帽子戲法，領軍作客大勝3比0。今次係呢位31歲前鋒今季第2次連中三元，亦係佢歷來代表波蘭嘅第6次帽子戲法。

羅拔仔今季又幾堅？就係喺國家隊同球會合共上陣14場入咗18球！佢喺國家隊上陣3場入3球，喺拜仁就係11場入15球，今季佢唯一冇入波賽事就只係德國超級盃，結果當日拜仁就輸咗隻盃，你都咪話羅拔仔表現唔重要呀！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。