口臭網上插爆卡尼　利物浦小將遭禁賽

正所謂嘢可以亂食，說話唔可以亂講！英超「一哥」利物浦陣內嘅16歲小將哈維艾利諾，因為喺社交網發放一段侮辱熱刺射手哈利卡尼嘅短片，今日正式被英格蘭足總判罰14日禁賽。

英格蘭足總今日發聲明話：「艾利諾將會喺球會聯賽被禁賽14日，直到本月24日之後，禁賽令先會解除。佢已經承認自己違反咗英足總E3條例，喺社交媒體一段視頻入面辱罵球員，佢將會發表公開道歉。佢喺視頻中所使用嘅語言同行為違反咗英足總相關條例，該視頻帶有強烈侮辱性，完全達到嚴重侮辱級別。」據知，艾利諾仲要去上教育課程，仲要罰款350鎊。

咪以為呢個16歲仔艾利諾係二打六，查實佢之前曾代表利物浦一隊出戰富咸，以16歲30日年齡成為史上代表利物浦一隊出場嘅最年輕球員。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。