簡迪離奇受傷！車仔今次大鑊了

周六(12日)凌晨歐國盃外圍賽，H組法國憑基奧特射入12碼，作客以1:0險勝冰島，賽前熱身期間，法國中場尼高路簡迪不幸受傷，未能上陣。不過，最傷都係車路士，因為球隊近期表現回勇，如果呢位中場主力要養傷，肯定打窒球隊道氣。

法國領隊迪甘斯話：「簡迪熱身時覺得肌肉痛，所以決定唔派佢上陣，改由穆沙施素高踢正選。」最頭癢都係車仔領隊林柏特，因為尼高路簡迪係球隊必然正選，上場英超對修咸頓，更加射入1球，如果佢要抖一排，肯定影響林柏特嘅部署。

對林柏特而言，唯一安慰係前鋒基奧特今場表現唔錯，射入12碼，唔知林伯嚟緊會唔會畀呢位33歲老將更多上陣機會呢？

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。