普巴傷勢手尾長　10月都唔踢得

曼聯近期成績每況愈下，禍不單行係中場保羅普巴嘅傷勢康復進度緩慢，將無緣10月20日晚英超「雙紅會」曼聯主場對利物浦，甚至可能整個10月都無法上陣。

保羅普巴踢完對阿仙奴嘅英超之後，再次受傷，近日飛到杜拜休養，希望當地溫暖天氣有助佢康復。不過，英國《每日郵報》指普巴傷勢唔樂觀，基本上會缺陣對利物浦，曼聯醫療團更加擔心呢位法國球星會缺陣10月餘下賽事。

曼聯近5場比賽未贏過，代替普巴位置嘅費特洛迪古斯表現備受批評，尼曼查馬迪亦狀態低迷，而且有離心，意味中場中位置要靠晒新星麥湯米尼支撐大局。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。