C朗排第6咋　榜首仁兄曾為兩國上陣

葡萄牙球王C朗喺上場歐國盃入波之後，職業生涯已累積入699球，呢數字喺球壇歷史上排第6位，排榜首係已故奧地利名宿比簡，佢入咗805球。

年輕一輩冇乜人知邊位係比簡，佢出生於1913年嘅維也納，當時仲係奧匈帝國時代，比簡上世紀三十年代活躍於奧地利同捷克球壇，由於當時規例冇現今嚴謹，比簡曾經先後代表過奧地利同捷克國家隊，佢老人家2001年過身。

排第2位係巴西球王比利，入779球，第3位都係巴西人羅馬里奧，入咗748球，第4位係匈牙利名宿普斯卡斯，入709球，第5位係前西德國腳梅拿，入701球。以C朗嘅狀態，要打入前4位應該唔難。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。