詭異比賽！荷蘭小國腳遭受最慘痛和波

傳控足球一向被譽為最賞心悅目嘅踢法，但未必可以得勝果，日前1場U17歐國盃外圍賽，荷蘭U17對科索沃U17，荷蘭小國腳全場控球率高達90%，射門次數亦以21:1，大幅拋離對手，但估唔到最終只能打和1:1。

荷蘭近2屆U17歐國盃都奪得冠軍，實力有幾強大，唔使多講。反觀，科索沃人口只有180萬，大國腳世界排名119位，呢支U17小國腳實力亦未入流。

荷蘭U17今場佔盡上風，開波10分鐘就打開紀錄，比賽過程之中，令到科索沃球員幾乎掂唔到波。

不過69分鐘，科索沃U17唯一一次射門就入波，問你怕未，而且任由荷蘭U17點樣強攻，都再入唔到第2球。難怪賽後科索沃U17領隊高拉利被指係最擅長「泊大巴」嘅主帥，連前曼隊領隊摩連奴都要行埋一邊。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。