馬菲朗達夫成搶手貨　曼聯要買晒兩兄弟

紐卡素上場英超憑中場馬菲朗達夫入波，以1:0擊敗曼聯，呢位19歲小將一球成名之後被起底，原來佢周薪只係850鎊，英超之中簡直係「乞兒價」。幸好馬菲朗達夫嘅合約將於明夏屆滿，預料一係紐卡素大幅加佢人工，否則肯定被其他大球會高薪挖角。

馬菲朗達夫上年先至同紐卡素簽職業球員合約，明年夏天屆滿，明年1月就可以同其他球會斟轉會事宜。

以馬菲朗達夫現時850鎊周薪，佢只要轉會，人工起碼可以加30倍以上，所以紐卡素如果唔想人財兩失，就必須大幅加薪，吸引馬菲朗達夫續約。

曼聯一直想收購另一位紐卡素中場桑恩朗達夫，亦即係馬菲朗達夫嘅哥哥，紅魔鬼依家見馬菲表現咁搶鏡，可能一次過將兩兄弟收歸旗下都唔出奇。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。