7萬人口安道爾　曾打和13億中國隊

周六(12日)凌晨歐國盃外圍賽H組，有1場唔起眼賽事，安道爾主場對摩爾多瓦，兩支魚腩球隊交手，製造咗一個勵志故事，安道爾贏1:0之後，終於結束球隊喺歐國外56連敗嘅紀錄，亦係呢個小國首次於歐國外贏波。

安道爾1993年獨立，國土面積只有467.63公里，人口得7萬6千幾人，屬於球壇超級魚腩球隊，出戰世界盃外圍賽成績為2勝2和45負。

踢今場波之前，安道爾喺歐國外成績更加係56戰全敗，今場終於取得零突破，入波嘅華利斯真係名留青史。不過，安道爾喺歐國外56連敗，並非最差紀錄，因為聖馬力諾曾經58連敗「稱王」。

值得一提，2004年安道爾曾經同中國隊踢熱身賽，打和0:0，當時安道爾傳媒寸國足距離強隊，仲有一萬光年，如果兩隊依家再交手，唔知賽果會係點呢？

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。