攞唔到呢個成績 艾馬利或被炒!

2019年10月12日 19:00
東網電視
更多新聞短片
(互聯網)
阿仙奴已經連續3年踢唔到歐聯,對兵工廠嚟講的確造成極大打擊。經過1季適應期,領隊艾馬利進入真正考牌嘅1季,據《每日郵報》報道,阿仙奴高層已經同艾馬利表示,本季目標係殺入聯賽前4、取得下屆歐聯入場券,管理層認為球隊再冇任何失敗藉口,艾帥如果最後搞唔掂,或者烏紗不保。
阿仙奴上季季尾唔爭氣接連失分,將歐聯資格送咗畀死敵熱刺,今季繼續只踢歐霸盃。雖然有傳球會唔開水喉,但今夏阿仙奴幾乎成為英超轉會窗大贏家,動用超過1.5億鎊,購入高質翼鋒尼高拉斯比比、大衞雷斯、基蘭泰亞尼同借入丹尼施巴路斯,前中後3線實力都大增,所以高層認為,攞到歐聯資格係本季最低要求。
《每日郵報》指,艾馬利已明確收到高層指令,仲有傳呢張歐聯入場券,係艾帥繼續留隊嘅續命丹,若最後失敗極可能被炒,艾馬利今次堅係不成功、便成仁!
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。