冇馮振霆冇我!陳嘉宝:佢幫我搵到人生目標

2019年10月12日 21:00
東網電視
更多新聞短片
陳嘉宝今季以16歲之齡加盟富力R&F。
「其實我都可以留喺香港踢青年軍、甲組,然後日日返屋企瞓,但係我最終揀北上。我放棄咗好多喺同屋企人相處嘅時間,同埋香港嘅娛樂,但係我覺得係值得嘅,因為我喺嗰邊進步得好快。」今季以16歲之齡加盟富力R&F的陳嘉宝說。
圖/文︰陳焌鏗
正當同期隊友還在為功課、考試而苦惱時,陳嘉宝已提早一步成為全職足球員,能夠把自己的夢想轉化成職業,除了自身的努力,還需前輩的提攜:「自己成長過程好好彩,啱啱嚟到香港讀小學上足球興趣班認識到『馮Sir』(馮振霆),12、13歲左右佢已經要求我開始定下目標,就係16歲踏上職業舞台,同時以呢個目標安排訓練畀我。」他續說:「今季自己正式成為富力R&F職業球員,當然開心喇!多謝富力、『黃總』(廣州富力副董事長黃盛華)、『郭總』(富力R&F總經理郭能培)佢哋畀機會我,等我可以有一個咁好嘅機會去成長,自己都希望能夠把握機會!」
近年,港超球會逐漸願意起用未成年但潛質優厚的小將,期望他們在越級挑戰下,能加速成長。去季已在港甲打拚的「嘉宝」明言自己比之前已有大幅進步:「上季自己有好多機會代表中西區喺港甲磨練,呢一年有機會同到好多前職業球員對賽,吸收到好多經驗。今年4月『馮sir』安排我去廣州跟富力R&F做長期試訓,雖然一開始都好辛苦,始終職業節奏、技術、體能同意識上要求更加高,但經過幾個月嘅時間自己都適應咗好多,當然我仲有好大進步空間!」
2016年9月16日,「嘉宝」首次踏足旺角大球場,出戰「2016賽馬會青少年社區盃」。3年後的9月18日,在相同的賽場迎來職業生涯的「地標戰」── 首次為富力R&F上陣。也許命運總愛捉弄人,這兩場比賽都以落敗告終,但「嘉宝」未有氣餒,期望他日以更強姿態登場:「多謝『楊Sir』(富力R&F主教練楊正光)喺『菁英盃』第一場畀機會我踢正選,雖然自己整體發揮未達到自己預期,但能夠有呢個機會落場,我先有機會知道自己嘅不足,會喺日後訓練同之後嘅比賽調整,希望喺成長過程不斷去增強自己各方面,為將來做好準備。」
●10歲阿根廷回流 唔識中文喊出嚟
陳嘉宝從小在阿根廷長大,接受當地教育,至10歲才回港。如今操得一口流利廣東話的他,原來曾因語言問題而沮喪:「我喺阿根廷讀書其實成績好好,不過我嚟到香港之後,要學廣東話,所有嘢由西班牙文轉晒做中文,好似數學咁,可能我本身識但係一用中文考我就唔識。嗰陣覺得讀書好辛苦、好大壓力,細個直情喊咗出嚟,之後就開始唔鍾意讀書,更加專注去踢波,呢方面都好多謝屋企人體諒同支持。」
【陳嘉宝檔案】
出生日期︰2003年5月22日
身高︰1米73
體重︰70公斤
位置︰前鋒
曾效力球隊︰中西區(甲組)
現效力球隊:富力R&F
球衣號碼︰99