拉莫斯破上陣紀錄　西班牙遺憾連勝斷纜

唔止足球睇波，仲有24小時滾動賠率，即時體驗：https://bit.ly/2UmNL0L　

歐國外F組西班牙作客挪威，隊長沙治奧拉莫斯正選披甲，以168次代表國家隊上陣打破門將卡斯拿斯保持嘅上陣紀錄，可惜西班牙今仗於補時4分鐘失守，被挪威逼和1比1，6連勝紀錄中止，未能提前出線。

西班牙踢法慢熱，上半場控球在腳但甚少埋門，半場踢成0比0，下半場47分鐘西班牙終於入波，一輪攻勢後，馬體會中場沙奧尼古斯禁區頂射個彈地波，收死挪威門將查斯甸，西班牙領先1比0。

可惜西班牙頂唔到尾，完場補時4分鐘，門將阿列沙巴拿加出迎打中單刀埋門嘅挪威球員阿卜杜勒拉維，球證判罰12碼，祖舒亞京治主射破網為挪威追和1比1完場。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。