意大利強勢出線　文仙尼：我哋返晒嚟

唔止足球睇波，仲有24小時滾動賠率，即時體驗：https://bit.ly/2UmNL0L　

意大利繼比利時後，成為第2支出線2020歐國盃決賽周隊伍，出線後領隊文仙尼講嘢都唔同啲，佢話今場在羅馬奧林匹高球場擊敗希臘，將為明年決賽周作預演，期望球隊到時重現90世界盃輝煌。

文仙尼球員年代有份出戰88歐國盃及90世界盃決賽周，其中90世界盃殺入4強，今屆歐國盃佢以領隊身份率領意大利參賽，明年決賽周至少有兩場主場在羅馬舉行，文仙尼表示：「喺短時間內重建意大利絕對唔容易，呢段時間好多謝球員們嘅付出同貢獻，令球隊能快速融合，踢出團隊風格。」

雖已出線，但文仙尼認為意大利仲未係最好：「球隊仲有好多工作要做，我哋仍未算歐洲最佳隊伍，但好高興同榮幸能協助球隊艱難地通過外圍賽。」

文仙尼希望，意大利能回復90世界盃時水平：「希望球隊重返高峰，明年6月重現90世界盃嘅『神奇之夜』。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。