【賽後解碼】皇馬巴塞幫瓦解 西班牙難搞

2019年10月13日 09:08
東網電視
更多新聞短片
西班牙經歷10年前嘅巔峰後,近年霸氣已經銳減,雖然陣容上仍屬世界一線水平,不過近2屆歐國盃、世界盃接連16強出局,令「狂牛兵團」出現強弩之末嘅味道。當西班牙正值盛世嗰陣,佢哋可以依賴沙維、恩尼斯達、布斯基斯、韋拿、碧基等「巴塞幫」,亦可以重用沙治奧拉莫斯、卡斯拿斯、沙比阿朗素等「皇馬幫」,呢啲核心力量成為國家隊組軍基石,落到場合作無間、霸氣十足。
不過,依家由皇馬、巴塞提供嘅力量已經少之又少,西班牙今場歐國盃被挪威逼和1比1,正選11人竟然嚟自11間唔同球會,係西班牙近99年來(共699場比賽)第1次出現呢個情況,可以話係「百年難得一遇」!事實上,西班牙今次大軍名單,皇馬、巴塞同馬體會3大班霸,合共只得4個球員入選。或者西班牙陣中每個球員都有實力,但隨住「巴塞幫」、「皇馬幫」瓦解,球隊反而失去靈魂,兩大班霸再次打造本土精英球員為骨幹,先至係西班牙之福。
●西班牙對挪威正選11人
阿列沙巴拿加(車路士)
捷西斯拿華斯(西維爾)‧沙治奧拉莫斯(皇家馬德里)‧艾比奧爾(維拉利爾)‧祖安巴尼特(巴黎聖日耳門)
法比安彭拿(拿玻里)‧布斯基斯(巴塞隆拿)‧沙奧尼古斯(馬德里體育會)
奧耶沙巴爾(皇家蘇斯達)‧洛迪高摩連奴(華倫西亞)‧丹尼施巴路斯(阿仙奴)
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。