強颱風影响日本 保迪斯助平治提早衞冕
20191013
東網電視
更多新聞短片
(美聯社圖片)
保迪斯奪日本站冠軍，協助平治車隊提前四站衞冕總冠軍！日本受到強颱風「海貝思」吹襲的影響，賽事一日內要進排位賽及正賽，法拉利雙雄排位賽包Ｑ，但可惜起步極曳，勒卡歷與韋斯塔本炒車，保迪斯搶到頭位，由頭帶到尾奪冠，贏得今季第三站冠軍，原本排頭位的維度爾獲次席，咸美頓得第三，而平治車隊的總積分已累積至612分，拋離其他車隊，成功衞冕總冠軍。
「排位賽第三位走上黎絕對唔容易，更加要越過維度爾及勒卡歷，我哋實在有很好嘅戰車，我為車隊而驕傲，還要連續贏得六次總冠軍。」保迪斯賽後相當雀躍，他以1小時21分46秒759率先衝過終點」至於車手榜方面，今站獲得第二的咸美頓，以338分續居車手榜冠軍，而保迪斯則獲得274分暫列次席，法拉利的勒卡歷以223分排第3。
日本受到強颱風「海貝思」吹襲的影響，令F1的排位賽都要延至今早才進行，法拉利的維度爾都做了比風一樣快的最快圈速，以1分27秒064奪得頭位資格，亦創造了新的賽道紀錄，這是維度爾自加拿大站之後的首個頭位，今季第二個，生涯第57次。
法拉利在排位賽表現相當凌厲，除了維度爾破紀錄攞到頭位，其隊友勒卡歷都以次名完成，而勁敵平治車隊的保迪斯及咸美頓則排第三及第四位。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！