【紅魔報告】曼聯轉運　靠3.6萬份起底文件

曼聯近年買人都備受詬病，迪馬利亞、米希達利恩、保羅普巴、阿歷斯山齊士、費特洛迪古斯等高價球星都冇料到，增兵不力被視為曼聯沉淪原因之一。今季曼聯開季成績差勁，不過幾位新兵丹尼爾占士、雲比沙卡同哈利馬古尼，演出齊齊得到球迷肯定，曼聯買人「轉運」原來係多得一項新措施。

據英國媒體《The Athletic》報道，曼聯早前請咗情報公司為轉會目標做資料搜集，喺全球超過30個國家調查咗13,800場比賽，製作咗36,000份球探報告，將目標人物球場內外嘅資料全部「起底」，防止當年簽入馬高斯盧祖後，先知道對方喺阿根廷有傷人官司在身嘅尷尬再次上演。

報道更指出，曼聯今個夏天本來想斟拜仁慕尼黑中堅謝路美保定，不過分析完球探報告之後發現「唔對路」，結果決定專心重金收購哈利馬古尼。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。