港超聯 富力R&F地頭迎擊佳聯元朗

2019年10月18日 21:14
東網電視
更多新聞短片
富力R&F主場迎戰佳聯元朗
「中銀人壽香港超級聯賽」周六(19日)下午2時30分重燃戰火,富力R&F會於主場燕子崗體育場迎戰佳聯元朗,同一時間和富大埔會在大埔運動場擺擂台恭迎傑志。受賽事延期及國際賽期影響,部分球隊有逾1個月未有正式比賽,如今港超聯重開,熱愛本地波的球迷,萬勿錯過!
近兩輪聯賽均需改期上演的富力R&F,對上一仗已是上月不敵冠忠南區的「菁英盃」分組賽,主教練楊正光坦承相繼有賽事延期,對球隊的安排及球員狀態均有影響,但慶幸能趁機讓林志堅等傷兵更多時間恢復。「光Sir」又認為佳聯元朗實力不容忽視︰「元朗今季雖然有好大轉變,但無論本地球員抑或新外援喺之前嘅4場比賽都有驚喜表現,尤其中場米基爾絕對係重心人物,所以我哋必須要好好提防佢哋嘅組織進攻同後上能力,加上之前佢哋逼和過兩支強隊,睇得出佢哋遇強亦不失信心。」
佳聯元朗上一仗已是3周前的聯賽,當時元朗作客旺角場跟冠忠南區打成1比1平手,主教練陳文俊透露曾透過不同方法,保持球員狀態及對比賽的飢渴感:「球隊長時間冇正式比賽,球員對比賽嘅感覺同戰意係會低咗,但我哋已經盡力用練習同友賽去催谷體能,但唔會當季初咁操,相信球員表現唔會有太大走樣。期間我哋亦有舉行一啲例如燒烤等活動,等佢哋鬆一鬆,練波時再投入番。」
「陳Sir」亦表示,由於球員需要舟車勞頓及適應球場,出戰如富力R&F這些陣中球員均具個人能力的強隊時,不傾向於前線採取主動,會選擇防守反擊的踢法。至於人腳方面,黎厚希及鄭璟昊分別因傷及私人理由沒有隨隊北上。