利物浦5年長約綁實麥迪比　幾時到VVD

英超「雙紅會」前夕，曼聯同利物浦先鬥快同球員續約，曼聯宣布同前鋒格連活特續約4年，差唔多時間利物浦亦宣布同中堅祖爾麥迪比續約至2024年。

28歲嘅祖爾麥迪比2016年由史浩克04年加盟利物浦，一直係紅軍防線主力，佢同華基爾雲迪積克(VVD)更係英超最佳中堅組合，利物浦今季8場聯賽只失6球，兩人居功厥偉。因此，祖爾麥迪比續約之後，紅軍球迷都希望會方盡快同VVD續約。

身高達1米95嘅祖爾麥迪比攻擊力亦不俗，上屆歐聯決賽佢助攻奧歷治入波。呢位喀麥隆國腳今季各項賽事上陣9場入2球，可以話係1位「帶刀侍衞」，攻守兼備，利物浦今次用5年長約綁實佢，絕對有道理。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。