鎖定軒達臣接班人!利物浦明夏搶人

2019年10月19日 15:10
東網電視
更多新聞短片
利物浦本季繼續踢出高水準,目前高踞英超榜首。紅軍近年成績一流,建基於球隊買人有道,多個收購包括華基爾雲迪積克、艾利臣比加、安德魯羅拔臣、法賓奴泰華利斯等都非常成功,睇到球探勁有眼光。據英媒報道,紅軍已經睇中般尼茅夫中場路易斯曲克,去做隊長佐敦軒達臣嘅接班人,出年夏天將同車路士拗手瓜爭人。
路易斯曲克今年22歲司職中場,以冷靜、具感染力同領導能力見稱,曾多次入選U16至U21英格蘭國家隊,並為幼獅攞過U17歐國盃、U20世界盃及18年土倫盃冠軍,17年佢以隊長身份奪得U20世界盃,係繼66年卜比摩亞之後,首個舉起世界盃獎盃嘅英格蘭人。18年時佢得到修夫基賞識被選入英格蘭國家隊,目前有一頂喼帽。
路易斯曲克潛力無窮,但上年尾因為大傷,到上月先至復出。據英媒報道,如果路易斯曲克今季可以遠離傷患,並踢出傷前高水準,出年夏天利物浦同車路士將出手搶人。英格蘭人一向身價其高,估計佢身價將不低於5000萬鎊。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。