【特稿】5大聯賽不敗得3隊　竟然有佢哋！

隨住皇家馬德里被馬略卡打破不敗之身，今季西甲所有球隊都已經輸過波，其實睇晒歐洲5大聯賽(英超、西甲、意甲、德甲、法甲)，依家只係剩番3支不敗之師，包括意甲班霸祖雲達斯、英超勁旅利物浦，同埋最後一隊大家都估唔到嘅──禾夫斯堡！

祖雲達斯主場2比1贏博洛尼亞後，喺意甲8戰7勝1和排榜首，英超「一哥」利物浦8戰全勝就更加威水，周日(20號)作客曼聯要保住不敗身應該冇乜難度，最出人意表嘅不敗之師嚟自德甲，佢哋唔係拜仁慕尼黑或者多蒙特，而係8戰4勝4和嘅禾夫斯堡。

禾夫斯堡周六(19號)晚作客1比1逼和勁旅RB萊比錫，依家同慕遜加柏同得16分，只係輸得失球差排第2位。不過，禾夫斯堡對上一次喺頭8輪拎到16分以上，已經係04/05球季，而當季佢哋最終只係排第9位。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。