歐洲豪門：換帥即換摩連奴接手！

摩連奴被曼聯炒魷之後，到依家依然未搵到適合嘅新工，究竟佢係咪會回歸皇馬？或者會去多蒙特都未定喎！據德國傳媒報道，「蜜蜂兵團」若炒現時領隊法夫利，已會第一時間搵摩連奴接手。

目前多蒙特於德甲排第4位，落後榜首慕遜加柏1分，而於歐聯亦表現唔錯，目前未有任何迹象會炒法夫利。據德國傳媒指，多蒙特CEO華斯基同摩連奴好老友，雙方不時有聯絡，彼此已有合作共識；而摩連奴亦已學定德文，準備一日空降德甲。

其實就算多蒙特唔搵摩連奴，其實拜仁或者都對摩連奴有興趣。雖然球隊陣容強大，不過於尼高高華麾下，上季僅以2分壓倒多蒙特稱霸，今季亦曾主場輸過畀賀芬咸，尼高高華會唔會坐得耐應真難講。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。