西媒：寸王激發皇馬鬥志

唔止足球睇波，仲有24小時滾動賠率，即時體驗：https://bit.ly/2UmNL0L　

皇馬在歐聯「生死戰」擊敗加拉塔沙雷，仲要係佢哋嘅弱項作客取勝，西班牙傳媒都認為主帥施丹暫時可以保住帥位，仲研究埋皇馬贏波一個重要原因，就係球員抗拒「寸王」摩連奴重返執教，所以搏晒命。

今仗之前，傳媒形容今場係生死戰，主要係講施丹，由於皇馬喺歐聯頭兩場1負1和，如果第3場再贏唔到就好危，再結合近日報道指摩連奴拒絕多間球會邀請，全因為等待重返皇馬，因此盛傳今場係皇馬會否換帥嘅關鍵一戰。

《馬卡報》同《阿斯報》分別報道，皇馬球員已經聞到寸王嘅氣味，大禍臨頭，因此今場唯有背水一戰，隊長沙治奧拉莫斯表示：「全世界都知咩事，我哋誓死保衞施丹，團結一致並對主帥絕對信任。對於摩連奴，佢已經走咗5年，呢幾年我哋贏咗好多錦標。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。