亞伊86分鐘絕殺　車路士連勝

唔止足球睇波，仲有24小時滾動賠率，即時體驗：https://bit.ly/2UmNL0L　

歐聯分組賽周四(24日)凌晨繼續進行，H組車路士作客1比0險勝上屆4強份子阿積士，取得2連勝以6分登上榜首。車仔今仗贏得有運，因為阿積士曾食VAR詐胡，之後又有中柱，結果大難不死必有後福，末段由巴舒亞伊絕殺。

阿積士主場攻勢凌厲，35分鐘，薛耶治右路傳中，昆斯普美斯門前剷入，不過翻睇VAR發現球員入波前突出隻腳越位，食鋪詐胡。59分鐘，昆斯普美斯角球，艾臣奧馬艾華利斯頭槌頂中柱，認真冇運。

阿積士錯失入波機會，尾段受嚴重打擊，86分鐘美臣蒙特左路傳中，門前馬高斯阿朗素漏踢，站於更佳位罝嘅巴舒亞伊射個掛網波，協助球隊以1比0奠勝。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。