英超靚女旁證進軍歐洲賽　佢曾執法港超！

英超球隊今個星期歐洲賽威到盡，7支代表球隊喺歐聯、歐霸盃全部贏晒，就連英超靚女旁證瑪茜（Sian Massey），周五(25號)亦喺歐霸盃首度亮相，喺D組燕豪芬0比0打和寧斯一仗擔任旁證，成為首個亮相男子歐洲賽事嘅英國女性球證。

現年33歲嘅瑪茜近年愈嚟愈多人認識，除咗因為外表省鏡之外，佢哋執法能力亦逐漸受到肯定，今年8月曼城對利物浦嘅社區盾，瑪茜亦都有份執法，依家已經係英超賽事常規旁證之一。瑪茜喺上年4月，曾經被英超職業裁判員公司（PGMOL）派嚟香港進行交流，並且執法過1場港超賽事添！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。