菁英盃 佳聯元朗富力R&F再鍊過

2019年10月25日 21:15
東網電視
更多新聞短片
上周在聯賽慘遭富力R&F大炒8球的佳聯元朗,今午菁英盃重遇對手,主教練陳文俊坦言士氣方面不太理想︰「失8球打擊就一定有,人哋狀態同發揮都好,我哋自己又出現問題,形成我哋好早就失波,霎時間處理同配合得唔好,未及調節又再失波。」「陳Sir」亦表示儘管在大敗富力一仗前,外界認為球隊季初表現其實不俗,奈何現實上戰績並不理想,因此就算法比奥等主力有微傷,仍會安排他們帶領着黃晉軒、鄧子均及梁煒峰等小將出戰。
楊正光:每場比賽都唔同
富力R&F在首場菁英盃分組賽不敵冠忠南區後,周中以5比3反勝和富大埔,主教練楊正光強調防守仍要改善︰「上半場表現有啲失望,防守上唔夠緊密同積極,失嗰3球絕對可以避免,幸好下半場調動後表現有改善,兩場入到13球當然有助信心提升,最緊要係入球分布夠散。」對於相隔一周再遇元朗,「光Sir」認為兩場賽事不可相提並論︰「過去嘅戰績只可作為參考,雖然我哋U22球員經驗較好,但我哋輪換人腳變動較大,相反元朗除3位U22球員外,佢哋會多用主力球員上陣,今場我哋喺陣容上都會有所微調,重要係保持球員嘅狀態,迎接之後比賽。」