蘇亞雷斯受傷抖3周　仲要畀人寸

巴塞隆拿上場西甲唔止1:3輸畀利雲特，仲有前鋒蘇亞雷斯受傷，佢踢咗41分鐘就退下火線。巴塞會方公布呢位32歲烏拉圭國腳勢傷，指佢右腳小腿比目魚肌肉受傷，西班牙《阿斯報》認為蘇亞雷斯需要休息3星期。

蘇亞雷斯喺今季首場西甲對畢爾包，都試過比目魚肌肉受傷，缺陣一段時間，該場巴塞都係輸波，估唔到今場又歷史重演。

前西維爾門將柏立喺社交網上「抽水」，指阿蘇因為超重，先至會連接出現比目魚肌肉受傷，佢話：「蘇亞雷斯你要明白自己年齡有幾大，你每年都應該減輕1公斤體重，加油啦。」蘇亞雷斯近年開始發福，加重比目魚肌肉負荷。

蘇亞雷斯抖3周情況下，意味佢將會缺陣嚟緊周中歐聯對布拉格斯拉維亞、西甲對切爾達，以及無緣月中為烏拉圭踢熱身賽對匈牙利同阿根廷。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。