巴利「受傷」踢國家隊　皇馬隊友怒寸！

皇馬巨星加里夫巴利，於10月踢完國際賽後，就因傷再冇為皇馬出場，但嚟緊國際賽周威爾斯要踢2場歐國外，巴利卻照樣入選並勢將上陣，出晒名同佢於皇馬較有偈傾嘅卻奧斯都忍唔住寸佢，話呢個安排並不恰當。

巴利剛啱入選威爾斯國家隊大軍陣容，勢於鬥阿塞拜疆及匈牙利嘅比賽中上陣。皇馬剛啱於歐聯大數加拉塔沙雷，賽後卻奧斯被德國傳媒問到巴利嘅前途，明顯係有牢騷：「我真係唔知，老實講佢剛過去夏天都幾乎離開。雖然表面上佢同球會都已冇乜事，但彼此關係已好難去番之前。」

「之前國際賽佢有踢，之後就冇為皇馬出場，但依家又入選國家隊，我認為呢個係講唔過去，時間上係錯晒。我希望佢可以健健康康咁歸隊。」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。