哥帥確認:曼城鬥紅軍冇艾達臣!

2019年11月09日 01:15
東網電視
更多新聞短片
(互聯網)
唔止足球睇波,仲有24小時滾動賠率,即時體驗:https://bit.ly/2UmNL0L 
曼城領隊哥迪奧拿宣布,正選門將艾達臣摩拉斯因肌肉受傷,未能於周日趕及傷愈,鬥利物浦肯定缺陣。哥帥表示深信後備門將哥迪奧巴禾實力,有佢壓陣一樣維持到實力。
艾達臣於歐聯鬥阿特蘭大一役受傷,賽後傳媒影到佢行路趷吓趷吓,哥帥確定呢名巴西門將缺席大戰:「周日佢出唔到場,但我哋有巴禾,佢一樣可以守好大門。上季我哋用巴禾贏到英足盃同英聯盃,佢實力一流,係國際級門將,我對佢毫無懷疑。每日我都睇到佢操練,佢有極高水準,我哋唔會因為巴禾而輸波。」
對於上季鬥作客利物浦時,曼城踢得比較保守,哥帥表示:「我哋唔係想踢守勢波,只係對方壓得我哋好成功。要記住利物浦係歐聯冠軍,你搵唔到紅軍明顯弱點嗎?」
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。