突破盲點!靴里拉講出曼聯PSG有乜分別

2019年11月09日 15:03
東網電視
更多新聞短片
(Getty Images)
西班牙中場安達靴里拉今夏由曼聯轉投巴黎聖日耳門(PSG)引起唔少迴響,好多紅魔鬼Fans認為會方唔應該放走呢位鬥心十足、實而不華嘅猛將,更指出如果靴里拉仍然在陣,曼聯今季成績唔會咁差。
安達靴里拉接受傳媒訪問時,亦批評曼聯只係重視商業利益,根本冇將足球放喺第一位,佢話:「可以效力巴黎聖日耳門,我真係好開心,好感謝球迷嘅支持,以往踢曼聯都開心,但喺曼聯,我覺得球會並冇將足球當成最重要嘅事情。」
當記者問安達靴里拉,曼聯是否將生意、商業排第一位時,佢話:「我冇咁講過,亦唔知,總之喺曼聯,足球並非最重要,我只係知道喺巴黎聖日耳門,感覺到空氣中都彌漫住足球味道,我太喜歡呢種味道。」
相信睇完曼聯今季表現之後,安達靴里拉應該更加肯定自己選擇轉投PSG係正確決定。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。