高級銀牌　鍾偉強：香港球員就係多樣化！

「香港球員特色就係多樣化，能夠勝任每一個位置。」上半場擔任左翼，在隊友被逐後轉任左閘的鍾偉強說。

東方龍獅於周六（9日）在「高級組銀牌」8強戰硬撼冠忠南區，東方上半場由艾華頓先開紀錄，隨後在基頓、李嘉耀被逐下，縱對手亦有列文被罰離場，但東方打出拼搏精神，成功守住勝局。今場在左路助攻助守的翼鋒鍾偉強，在客串左閘期間屢次化解對手攻勢，更用臉部抵擋對手最後一擊。

賽後「強仔」在接受訪問時透露：「上次聯賽輸畀南區，我哋全隊都好唔忿氣，覺得今場點都要贏佢哋，最終我哋打少兩個都贏番場波。」他續說：「半場嘅時候，『堅Sir』讚我哋踢得好，只不過係『紅咗兩件』，我哋更加要打出拼搏精神，喺踢波嘅立場一定係唔可以輸畀佢哋，就算斷晒腳、拗晒柴都要搏到最後！」

雖然他是役為球隊已付出所有，但入選11月香港隊初選名單的他明言：「冇話攰唔攰嘅，代表香港係一種榮幸，所以有機會都係要搏盡！」