亨利揀史上最強5人　冇C朗美斯反而有佢

著名法國球星亨利近日受訪，講到佢認為足球壇史上最強5人，話晒亨利喺球會同國家隊都同過超多勁人合作，由佢去評價邊個，應該幾有代表性。只係大家點都估唔到，亨利選出咗5個竟然未有包括當今球壇兩大球王美斯同C朗拿度，而喺佢嘅最強5人組之中，包括比利、馬納當拿、告魯夫同碧根鮑華相信都唔會令人意外，但第5個竟然係丹麥傳奇米高盧特立，大家又認唔認同呢？。

亨利話：「我從來都唔明，點解米高盧特立會咁被低估。喺講到華麗足球嗰陣，就應該要提到佢個名。盧特立係丹麥足球史上最偉大球員之一，佢喺皇馬同巴塞都效力過，而且喺國家打吡都贏過對手一個5比0。盧特立雖然數據唔算誇張，但球風勁華麗，做個比喻，盧特立就係高大版恩尼斯達。」

值得一提，亨利嘅最強5人係冇C朗同美斯，當中美斯曾經喺巴塞同亨利做過隊友，但亨利都冇揀佢，好唔畀面喎！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。