高級銀牌 傑志撼理文 睇吓邊隊彈番起先!

2019年11月09日 22:22
東網電視
更多新聞短片
「高級組銀牌賽」8強戰,頭場由傑志對理文。
銀牌4強周日(10日)揭盅!本地「高級組銀牌」周日(10日)下午上演另一邊線的兩場8強戰,先有下午2時30分開波的頭場,於元朗大球場舉行的傑志對理文,兩軍近期陷入低潮,均期望今仗贏波振軍心。至於下午5時30分鳴笛之尾場,則由兩支狀態火熱的球隊和富大埔及標準流浪互撼,必有一番惡鬥。
衞冕的傑志於今季表現失準,連同聯賽及菁英盃已連續5場不勝,總教練施利斯高域(Blaz)指傑志整體狀態其實不俗,落場表現亦往往比對手為佳,可惜幸運女神未有眷顧才招致失分,因此,今午於「高級組銀牌」首度出擊,Blaz就希望以一場勝仗增強信心︰「當你贏嘅時候,球員無論喺場內定場外都會表現得好正面,所以我哋要踢番場好波畀球迷睇,特別今場波係一場過嘅比賽,對我哋好重要,決定我哋可唔可以去準決賽。不過我哋面對緊一個傷患問題,大概得18、19個球員可以候命。」人腳方面,蘇沙高掛免戰牌,基爾頓、艾里奧傷勢輕微,為免再度受傷將先列後備。
至於理文方面,球隊上仗被富力R&F打破不敗身,主教練陳曉明透露球隊受傷患困擾,加上早前曾休戰近一個月,以致發揮稍遜一籌。「陳Sir」亦指未能控制比賽節奏是落敗關鍵:「上場我哋冇咗列斯奧,變相部署上被逼要保守啲,要出多個外援喺後防位置同時收起亞哥斯達,主導唔到形勢導致製造唔到好多入球機會。」
繼「菁英盃」後再次遇上強敵傑志,「陳Sir」期望球隊經調整後,能重拾9月的光芒。隊長列斯奧近日已復操,「陳Sir」稱:「我哋上場都擺咗佢喺後備,但係最後都決定唔冒險,列斯奧對球隊有種特別嘅化學作用,希望他可以喺今仗上陣!」