高級銀牌 士氣高昂!和富大埔火併標準流浪

2019年11月09日 22:45
東網電視
更多新聞短片
「高級組銀牌賽」8強戰,和富大埔對標準流浪。
銀牌4強周日(10日)揭盅!本地「高級組銀牌賽」周日(10日)下午上演另一邊線的兩場8強戰,先有下午2時30分開波的頭場,於元朗大球場舉行的傑志對理文,兩軍近期陷入低潮,均期望今仗贏波振軍心。至於下午5時30分鳴笛之尾場,則由兩支狀態火熱的球隊和富大埔及標準流浪互撼,必有一番惡鬥。
和富大埔上場聯賽擊敗佳聯元朗,打開今季勝利之門,正當球隊剛上軌道時,卻迎來主教練之一郭嘉諾辭職的壞消息,總監兼主教練馮凱文表示影響不大:「開頭係有少少影響,但係大家都係專業嘅,職球員離離合合都係好平常嘅事。」
經歷5場不勝後,大埔上場終「開齋」,「馮Sir」坦言球隊漸入佳境:「一來舒緩到壓力,二來球員信心大番,畢竟愈遲贏波球員會有信心危機,依家打破咗缺口,我相信往後嘅比賽會好好多!」今場將面對標準流浪,「馮Sir」認為:「流浪上場和到傑志,有一定嘅能力,希望球隊先做好防守,因為開季到依家都有失波。」
另邊廂,標準流浪上場港超雖有巴辛、斯薩停賽,在驚濤駭浪下仍能逼和勁旅傑志,教練團直言該仗令士氣大增,亦建立起球員在港超立足的自信。今仗面對和富大埔,上述兩位主力外援刑滿復出,教練團認為增添流浪爭勝本錢:「今場全部球員都可以準備,特別係盃賽,冇強弱之分,係睇邊隊臨場發揮得好。對手攻擊線好有水準,我哋都係維持本身嘅踢法,唔會刻意加強防守,但係會有針對性部署去防守。」