舒利亞:英超爭標預埋李城!

2019年11月10日 08:00
東網電視
更多新聞短片
(法新社)
英格蘭殿堂級射手舒利亞,認為李斯特城已具備英超爭霸實力,本季並唔係得利物浦同曼城去爭冠軍,李城一樣有機會再創奇迹!
於羅渣士帶領下,本季李城光芒四射,今輪主場出擊就輕鬆2:0擊敗阿仙奴,目前已超越曼城並壓住車路士排聯賽榜次席,並領先第5位錫菲聯9分。舒利亞認為李城表現極佳,力足挑戰英超冠軍:「無錯,李城已經有實力挑戰本季冠軍。佢哋每星期都取得佳績,但無論佢哋球隊上下、球迷甚至評述員,都話李城必可能去攞冠軍,李城可以長時間零壓力出戰,對球隊極為有利。」
「李城被睇死越耐,佢哋就越攞得多分,之前我哋已經試過跌晒眼鏡。如果李城之後有幸運之神眷顧,點解唔可以爭標?睇睇嗰啲話可以挑戰曼城同利物浦嘅球隊,李城好唔好得過熱刺、阿仙奴?肯定好過。車路士?或者係同級。之前都冇人諗李城可以挑戰前4,佢哋已經用行動、成績,證明所有人係錯。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。