最後機會！阿仙奴平執中堅補鑊

阿仙奴0:2不敵李斯特城之後，12場聯賽已失17球，防線弱不禁風，中堅位置更加係球隊一大死穴。根據英國《每日郵報》爆料，兵工廠將於明年1月轉會市場重開後，收購中堅救亡，目標人物係法蘭克福守將軒迪列加。

呢位27歲奧地利國腳喺今屆歐霸盃對阿仙奴，有出色表現，令兵工廠領隊艾美利留下深刻印象，而軒迪列加代表作一定係今季德甲，協助法蘭克福以5:1大炒拜仁慕尼黑，該仗佢唔止防守穩陣，而且仲入咗1球。

軒迪列加今季德甲已經有3個球入球，助攻力甚佳，簡直係一個人做兩個人嘅工作。最重要係軒迪列加身價只係2200萬鎊，非常抵買，韋斯咸都計劃加入爭奪，阿仙奴係出手就要快啦。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。