落重本!阿仙奴請三冠王名帥出山

20191110
東網電視
更多新聞短片
(Getty Images)
阿仙奴今夏用1.4億鎊(約14億港元)增兵,但成績不進反退,12場聯賽只贏得4場,表現比雲格領軍後期更加差,預料領隊艾美利好大機會被炒。西班牙著名記者基克馬連爆料,指阿仙奴足球總監辛尼爾已經斟緊前巴塞主帥安歷基接手執教。
安歷基球員時代踢過皇馬同巴塞隆拿,佢2014/15年球季更加以教練身份,率領巴塞奪得西甲、西班牙盃及歐聯冠軍,成為「三冠王」。呢位49歲少帥上年夏天擔任西班牙國家隊領隊,但今年6月因為要照顧患病女兒而辭職。
好不幸安歷基嘅女兒已經離世,佢現時可以重投工作,阿仙奴足球總監辛尼爾之前係巴塞高層,同安歷基關係良好,希望打動佢出山幫手。
事實上,雲格離開阿仙奴時,會方已經有意搵安歷基接手,但當時未成事。以安歷基嘅級數,應該教得掂阿仙奴,問題係唔知佢克服咗女兒過身嘅傷痛未。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。