高級銀牌 Keep住有得踢 學銘:我仲未夠弗

2019年11月10日 18:19
東網電視
更多新聞短片
劉學銘(右)表示對自己的現出不盡滿意,會多加努力。 (黃雋謙攝)
周日(10日)頭場下半場入替列斯奧、成為理文躋身「高級組銀牌賽」四強功臣之一的劉學銘,對於自己自9月由東方龍獅外借過來後,一直獲主帥陳曉明給予上陣機會感到欣然,但就對自己狀態和表現不大滿意。
「有朋友問我嚟咗理文冇正選,有冇唔開心,梗係無啦!我外借過嚟日子咁短,好多隊友都夾咗幾季,我依家出場機會已經好多,好多謝教練團對我嘅信任。只係我好清楚自己嘅狀態仲未係最好,所以好多時教練畀我嘅指示,我都執行得唔夠好,坦白講呢方面我係好忟我自己!」「學銘」有點不爽地說。
由球隊必然正選,到要外借爭取上陣機會,「學銘」坦言這幾個月來的經歷,一度令自己非常迷茫,慶幸在女友和好友的鼓勵下,才得以重新振作起來。「當日轉會係自己嘅決定,依家唯一可以做就係比之前再畀心機去練習,再落力啲去比賽,等啲狀態同信心返番晒嚟,用表現去答謝支持我同畀機會我嘅人,最緊要係幫到理文捧盃!」