【東體爭議】阿諾特手球唔判12碼原因

2019年11月11日 10:01
東網電視
更多新聞短片
利物浦主場3比1擊敗曼城,賽事最大爭議係「紅軍」開紀錄之前,阿歷山大阿諾特禁區內用手掂波,但係球證並冇吹罰。賽後英超賽會發出聲明解釋呢個判決:「VAR檢視過有關阿歷山大阿諾特嘅手球,結果認同球證場上判決,呢一球情況不足以構成蓄意手球犯規。」不過呢次聲明就引嚟更多爭議。
前英超球證卡頓保表示,佢「認同」球證奧利華唔吹罰,因為係貝拿度施華手球在先,但佢認為阿歷山大阿諾特嘅手球亦係明顯犯規,因為佢隻手有「向足球移動」以及「令身體擴張」,所以英超賽會嘅「唔構成蓄意手球」理由非常牽強。
英超新規例下,進攻球員手球係唔理有冇意圖一律犯規,所以貝拿度施華先犯手球係一定會被吹罰,所以曼城都冇得好怨。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。