奇恥大辱?C朗連續2場被換走即場割席!

2019年11月11日 11:01
東網電視
更多新聞短片
祖雲達斯周一(11號)意甲大戰,主場以1比0擊敗AC米蘭,冇乜表現嘅C朗拿度繼續做主角,佢今場只係踢咗55分鐘就率先被換走,繼之前歐聯對莫斯科火車頭之後,連續第2場被調離火線。據Opta數據顯示,今次係C朗祖雲達斯生涯第1次喺55分鐘之前被換走,亦係第1次連續2場被換走,自尊心極強嘅C朗當然勁唔滿意,離場後直接走返更衣室,意大利《天空體育》更指C朗喺比賽結束前3分鐘就離開埋球場。
祖雲達斯喺C朗被換走之後,就係靠入替C朗嘅保羅戴巴拿喺77分鐘一箭定江山贏波。祖雲達斯教練沙利賽後透露,C朗一直受到膝傷影響,非常感激佢嘅付出:「我好多謝C朗,佢為球隊犧牲自己,佢已經盡可能落場比賽,但我覺得佢好唔妥,所以將佢換走。C朗過去1個月一直受膝傷困擾,所以表現受到影響,當佢咁努力想落場,被換走嗰陣激動都係人之常情。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。