士砵亭要填債　曼聯乘機搶波費

唔止足球睇波，仲有24小時滾動賠率，即時體驗：https://bit.ly/2UmNL0L　

雖然摩連奴想簽入士砵亭葡萄牙中場天王波基斯費南迪斯，其實曼聯一早就斟過佢，只係多次斟介都未能成事，不過最近機會嚟喇！由於士砵亭一筆為數5700萬鎊嘅債務到期，會方要短期內籌錢償還，極可能出售球員抵債，曼聯今勻有機可乘。

今夏盛傳曼聯準備以6500萬鎊簽入「波費」，不過一直傾唔成，如今士砵亭要籌錢應急，只要出售「波費」就可一次過解決問題，收取曼聯6500萬鎊，償還5700萬鎊債務後，仲有剩錢營運球會。

25歲嘅「波費」踢法全面，上季為士砵亭上陣50場，錄得32球18助攻嘅超強數據，被喻為「葡超林柏特」，今季佢保持上佳表現，為士砵亭上陣17場攻入9球，作為中場球員，入球量相當驚人，摩帥想簽佢踢熱刺，但曼聯都要佢呀！

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。